VIDEO Atuakkiortup inuusuttup atuakkiaqqaatini quppeqqaaraa
Niviaq Korneliussenip atuakkiaqqaataa, Homo Sapienne, ullumi saqqummerpoq, atuakkiortullu 24-nik ukiullip atuakkiaminik puiaammat najuuppugut.
Allattoq Inga Hansen
oktobarip 31-at 2014 08:21
Atuagaq inuusuttut atugaat aallaavigalugit atuakkiaavoq ilaatigullu sms-itut allataalluni.
- Taakku eqqarsaatigalugit uannullu tunngatinnerulerlugu una suiaqatiminnik aappaqartartut pillugit allannikuuvunga.
- Facebook aamma ilannguppara taavalu aamma iPhoneminngaanniit sms-it, assilisaqattaariarlugit atuakkamut ilanngullugit.
Aamma atuaruk Inuusuttut atuakkiortut pisariaqartinneqarput
- Uatsinnut ulluinnarsiutaammata atuakkami atorpakka, Niviaq Korneliussen, Nanortalimmiuusoq maannali Danmarkimi tarnip pissusaanik ilisimasalittut ilinniagaqartoq taama oqarpoq.
Niviaq Korneliussenip atuakkiortuunini aallarnerpaa atuakkiortunik inuusuttunik 2012-imi unammitsinermi Allattami ajugaangami.
