NUIF Atornerlunneqarsimasut tappiffiginerusariaqarpagut
NUIF-imi sulisut quliusut meeqqat quliniit 25-inut ukiullit ulluinnarni sammisassaqartinniartarpaat. Meeqqanilli inuusuttuaqqanillu ikiortarialinnik akuttusuumik nalaataqartarput.
- Qujanartumik akuttupput taamatut nalaattakkagut, NUIF-imi pisortaq Rasmine Geisler oqarpoq.
AAMMA ATUARUK Nakuusa kinguaassiutitigut atornerluisarneq akiorniarlugu suliniummik saqqummersitsisoq
Akuttunneralu illuatungeqartoq ornittakkami pisortap erseqqissaatigaa. Meeqqammi inuusuttullu ikiortariallit maluginngitsoorneqarsimasinnaasut, taassuma ernummatigaa.
- Soorunami uagutsinnut soqutiginarnerpaavoq sulisut sakkussamikkut eqqortunik peqarunik. Oqaasinnguinngikkaluartut pissusilersuutitigut arlaatigut taakkua anguneqarsinnaappata soorunami taanna uagutsinnut oqinnerpaajussaaq, sullissinitsinni aamma.
Pikkorissarneqarnissaq piareersimaffigaat
Meeqqat inuusuttuaqqallu inuuniarnermikkut ajornartorsiortut tappiffiginerunissaat anguniarlugu
siorna pikkorissaasoqartoq, Kommuneqarfik Sermersuumi atuarfeqarnermut ulluinnarnilu sammisassaqartitsinermut pisortap Jesper Madsenip oqaatigaa.
AAMMA ATUARUK Ullut Tamaasa - meeraq naalaaruk
Pikkorissartinneqartuartarnissarli, NUIF-imi pisortap neriuutigaa.
- Pisariaqartitsiuaannarpugut aamma qanorluunniit pikkorissarnermik arlaatigut tigusisimagaluaraangatta aamma nutarteqqittuaannarnissaa pisariaqartittuaannarparput.
Pikkorissartuarnissarmi pingaaruteqartoq, taassuma oqaatigaa.
Sulisoq tappitsuusariaqartoq
- Sulisut massakkut eqqummaarissiartorput meeqqanut sullissinermut tunngatillugu ukua immaqa oqaloqatiginnittariaatsit imaluunniit arlaatigut sakkussat meeqqap arlaatigut pisariaqartitsippat tigunissaanut qanoruna pissuseqartussaasugut?
Sulisummi tappitsuunissaat pingaaruteqaqaaq:
-Takusinnaasarparput ataasiaakkaat arlaatigut immaqa malugeqqunerat, NUIF-imi pisortaq Rasmine Geisler oqarpoq:
AAMMA ATUARUK Meeqqanut inuusuttunullu katsorsaavik pisariaqartinneqarpoq
- Qujanartumik ataasiakkaatigut pikkorissartarnerit tigusartillugit taavalu inoqammut malussarissuseq pikkoriffigiartuinnartillugit taakkua takusinnaasarpagut eqqumaffigisarlugillu.
Meeqqat inuuniarnermikkut ajornartorsiortut qanoq tappiffiginerunissaanut oqaloqatiginnittariaatsinullu ilitsersuutit meeqqeriveqarfinnut ornittakkanullu nassiussuunneqaleruttortut, Kommuneqarfik Sermersuummi atuarfeqarnermut ulluinnarnilu sammisassaqartitsinermut pisortap KNR-imut oqaatigaa.
