Ullut Tamaasa - meeraq naalaaruk
NAKUUSA UNICEF-i suleqatigalugu kinguaassiutitigut atornerluisarneq akiorniarlugu suliniummik, Ullut Tamaasamik taaguuteqartumik, sapaatit akunneri aappassaanik paasititsiniaavoq.
AAMMA ATUARUK Nakuusa kinguaassiutitigut atornerluisarneq akiorniarlugu suliniummik saqqummersitsisoq
Meeraq kinguaassiutitigut atornerlunneqarsimasoq innuttaasunit oqaloqatigiinnikkut qanoq ikiorneqarsinnaaneranik najoqqutassat maanna saqqummiunneqarput.
Meeraq inuusuttuararluunniit kinguaassiutitigut atornerlunneqarsimasoq qanoq ikiorsinnaaviuk?
Meeqqamik taamatut nalaataqarsimasumik siumugaqaruit oqaloqatigisinnaavat, suliniummilu sapaatit akunnerisa aappaanni uani tamanna sammineqarpoq.
NAKUUSA tassunga atatillugu meeraq qanoq oqaloqatigineqarnissaanik ilitsersuusiamik videoliamik saqqummersitseqqammerpoq.
AAMMA ATUARUK Kinguaassiutitigut kanngutsaatsuliortartut katsorsarneqartalissasut
Videoliaq inunnut tamanut saaffiginnittuuvoq, imalu ilitsersuutitaqarluni:
- Tusarnaarsinnaavutit misiginneqatiginninnerillu takutillugu.
UNICEF naapertorlugu meeqqamik oqaloqateqarninni saamassaatit oqaluttuartorlu naalaaqqissaassavat
- Sukumiinerusunik apersuinak. Tusarnaaginnassaatit, katsorsaasuussanngilatit.
Eqqaamassavalli nalunaartussaatitaagavit, UNICEF ilitsersuusiami taama allaaserisaqarpoq. Meeraq ikiorneqassappat pisortat ilisimatissavatit. Tamannalu NAKUUSA-p immiussaani aamma erseqqissaatigineqarpoq:
- Ilisimasaqaruit kommunimut nalunaartussaatitaavutit. Peqqissaasoq, nakorsaq, ilinniartitsisoq, politiit imaluunniit inuk tatigisat ikiortiserisinnaavat.
AAMMA ATUARUK Kinguaassiutitigut atornerluisarnermik NAKUUSA akiuiniaqataalersoq
NAKUUSA-p videoliaa NAKUUSA-p facebookiani takuneqarsinnaavoq. Tamannalu pillugu
TV-kkut radiokkullu sapaatip akunnerini arfinilinni paasititsiniaasoqassaaq.
Inersimasut meeraanerminni kinguaassiutitigut atornerlunneqarsimanertik pillugu oqaloqatiginnikkusuttut 141-mut sianersinnaapput.
Meeqqat inuusuttullu oqarasuaammut 134-mut sianerlutik sunaluunniit oqaloqatigiissutigisinnaavaat.
