Atassut: Siumut, isumaqatigiinniaritsi !
Atassutip Alcoap atsitsiviliorniarnera tamakkiisumik tapersersorpaa, allagaqaatertik aallartippaat.
- Atassutip inatsisartuni ilaasortaatitaasa Maniitsumi Aatsitsiviliorniarneq tamakkiisumik tapersersorpaa. Atassummiit pingaartilluinnarparput Alcoap aatsitsiviliorniarneranut atatillugu inatsisartuni peqqissaarulluinnarlugu suliaq ingerlanneqartariaqartoq, Knud Kristiansen aamma Siverth K. Heilmann nangipput.
Naalakkersuisut sanaartortoqarnissaanut pilersaarutaat malinneqartariaqartoq aamma oqaatigaat.
- Ukiamut inatsisartut katersuunneranni ilumut aatsitsiviliortoqassanersoq isummerfigineqartussaavoq 2012-imilu upernaakkut nunarput piginneqataassanersoq pillugu aamma isummerfigineqartussaalluni.
Maannali pisut toqqissisimajunnaarutaanerarpaat.
- Qeqqata Kommuniani borgmesterip tullersortaatalu akornanni tusagassiuutit aqqutigalugit saqitsaannerat Maniitsumi innuttaasunut toqqissimajunnaartitsivoq. Tamanna Atassummiit ajuussaarnartutut isigaarput, oqarput.
Tamaammat kaammattuutigaat suliamut taama pingaaruteqartigisumut ataatsimoortumik isumaqatigiittumillu kommunip tungaaniit tuutsiuttoqartalissasoq.