Atassut: Ilinniagaqarnersiutit qaffanneqarlik
- Ilinniartut qaammammusiarisartagaat qaffanneqassapput. Qaffanneqassappatalu aamma piumasaqaateqartariaqarpoq, soorlu sulisoq sulinngikkuni aningaasarsinavianngilaq aamma atuartoq atuanngikkuni aningaasarsisassanngilaq, Atassummit qineqqusaartoq Masauna Peary oqarpoq.
Ilisimatusarfimmi 560-nik ilinniartoqartuni pingajorarterutai pinngitsaalisaanngillat ilinniarnermi nalaani tamatigut takkuttarnissaat, taamaattumik siunnersuut ilisimatusarfimmi ilinniarnermut tunngasunipisortaq Hanne Søgaardip tulluarsorinngilaa.
- Imminut ataqatigiissinnaanavianngillat, ilinniartut noqinneqarsinnaanngimmata ilinniarfinni takkunnissamut piumasaqaatitaqanngitsuni, Hanne Søgaard oqarpoq.
GU Aasiannilu ilinniartut 400-t missaaniittut piumasaqarfigineqarneratigut ilinniagaqarnersiutit unitsinneqarsinnaanerarpai taamaattumik GU Aasianni rektori Flemming Guntofte Nielsen siunnersuummut isumaqataagaluarluni ajornartorsiutissaqarsoraa.
- Ilinniagaqarnersiutit tigooraaffigineqalerpata ajornartorsiortoqalersinnaavoq allaat ilinniakkamik unitsitsisoqarluni, Flemming Guntofte Nielsen oqarpoq.
Masauna Pearyllu siunnersuutini ilinniartunut iluaqutaasinnaasoraa.
- Akisussaaffimmik ilininniarnermik nalaani atuariartortuaannarnissaq anguniarneqartalissaaq. Kisianni meeqqat napparsimappata, assersuutigalugu, soorunalimi taakku ilanngaaffigineqartasssanngillat, Masauna Peary nassuiaavoq.
Tammannalu Flemming Guntofte Nielsenip isumaqatigaa.
- Ilinniartut aningaasatigut eqqugaasassappara piumassuseqalernissaat soorunami qaffassaaq.