Ataatsimiititaliap Qujaukitsup nassuiataa tusaatissatut tiguaa
Nunanut allanut tunngasunut naalakkersuisup Vittus Qujaukitsup danskit naalakkersuisui pillugit aviisimut Politikenimut isornartorsiutai pillugit nassuiaateqaqqullugu, Qujaukitsoq Inatsisartut ataatsimiititaliaanit tallimanngornermi ualikkut isumasioqatigineqarpoq.
AAMMA ATUARUK Vittus isumasioqatigiinnissamut aggersarneqarpoq
AAMMA ATUARUK Danmarkip anneruniarnera aserorsaataalluinnarpoq
Qujaukitsup danskit Nunatsinnut tunngasunik suleriaasiannik isornartorsiuteqarpoq aviisilu Politiken naapertorlugu Nunarput naalagaaffeqatigiinnit aninissaanik amerikamiullu Pituffimmiit anisinnissaanik sioorasaarivoq.
Ataatsimiititaliami matoqqasumik ataatsimiittoqarpoq naammassimmallu siulitttaasup Ane Hansenip KNR-imut oqatigaa, Vittus Qujaukitsup nassuiaataa tusaatissatut tigugitsik.
Ane Hansenip KNR-imut aamma Vittus Qujaukitsoq nassuiaateqarnermini taamatut isumalimmik oqaaseqannginnerarpaa. Ane Hansenilli Qujaukitsoq avammut oqaaseqartinnagu tamanna pillugu oqaaseqarnerunissani kissaatiginngilaa.
AAMMA ATUARUK Demokraatit Vittus tupaallaatigigaat
AAMMA ATUARUK Kim Kielsenip Vittus Qujaukitsoq suli tatigigaa
Ataatsimiititaliamili siulittaasup tulliata Justus Hansenip KNR-imut oqaatigaa Vittus Qujaukitsup isornartorsiuinermini oqaaseqariaasia suli naammagisimaanngikkini, allamilli oqaaseqarnissani aamma kissaatiginngilaa.
Ataatsimiititaliami ataatsimiinneq naammassimmat nunanut allanut tunngasunut naalakkersuisoq KNR-imut oqaaseqartinniarsimagaluarparput, tamannali iluatsinngilarput.
