Politikki

Kim Kielsenip Vittus Qujaukitsoq suli tatigigaa

Naalakkersuisut siulittaasuata Kim Kielsenip Naalakkersuisuutitami Vittus Qujaukitsup Danmarkip Nunatsinnut tunngasunik suliaqarneranik isornartorsiuinerata Nunattalu naalagaaffeqatigiinnermit aninissaanik siorasaarinerata kingorna suli tatigaa. Tusagassiortunik katersortitsinermi tallimanngornermi tamanna oqaatigaa.

Allattoq Anton Gundersen Lihn

decembarip 16-at 2016 14:10

Vittus Qujaukitsoq nunanut allanut tunngasunut naalakkersuisuuginnassasoq Kim Kielsenip tusagassiortunik katersortitsinermi erseqqissaatigaa.

Danmarkip suleqatiginerani erloqinartut arlaqartut, Kim Kielsenip Vittus Qujaukitsutulli paasisinnaanerarpai. Saniatigullu erseqqissaatigaa Naalakkersuisut danskillu naalakkersuisuisa suleqatigiinneranni paasissutissat Danmarkimeersut Naalakkersuisunulluunniit tunniunneqaratik tusagassiutitigut saqqummertartut. Tamannalu attanneqarsinnaanngitsoq Kielsen oqarpoq.

Nunatta Danmarkillu suleqatigiinneranni oqaloqatigiittarnerit pitsaanerusariaqartut Kim Kielsen isumaqarpoq.

Isornartorsiuinerli tusagassiutitigut taama saqqummiunneqarnera pitsaanerpaajunnitsoq Kim Kielsenip oqaatigaa.

Suliat oqaloqatigiissutiginissaannut Kim Kielsenip danskit ministeriunerat Lars Løkke Rasmussen jannuarimi ataatsimeeqatiginiarpaa.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.