Asanninneq: Air Greenlandimi kaptajnip arnaatini timmisartumi nuliarsarfigigaa

- Suli naammassivinngilagut, taamaammat issiaannarallaritsi.

Timmisartoq Nuummut decembarip ulluisa 22-ani mimmat timmisartup Dash-8-p højtaleriini tamanna tusaaneqarsinnaavoq. Tamatuma kingorna Kangerlussuup Nuullu akornanni timmisartuussinermi aliannaarsarnartumik pisoqarpoq.

Timmisartup aquttuunera Robert Lee Evensenip arnaatini timmisartumi issimasoq nuliarsarfiginiarlugu aalajangersimavoq. Taassuma angutaatini aquttarfimmiittoq ilisimanngilaa.

Timmisartumi aquttuuneq nissiaqqatut nasalerluni aquttarfimmit anillattoq, tamatumalu kingorna ajornartorsiuteqarneranik issimasunut paasissutissiisoq, Air Greenlandip Facebookimi qupperneranut ikkunneqarsimasumi takuneqarsinnaavoq. Ajornartorsiutaasoq issimasumut ataatsimut tunngassuteqarpoq.

- Ajornartorsiuteqarpugut. Arnaatigiinnarpara, tamanna iliuuseqarfigisariaqarparput. Taamaammat katikkusuppinga, immaqa?

Arnaataa tupaallassimasoq qullilluni angerpoq.

Nuliarsarniarnera annertooq

Robert Lee Evensen aqaguinnanngortoq nuliarsarniarluni aalajangersimavoq, tamatumalu kingorna annertungaatsiartumik pilersaarusiulerpoq.

Taassuma arnaatini Nuummeersuusoq, timmisartullu aquttuunera sulisussaammat juullisioqatigiartorlugu Nuuliartoq Air Greenland allagaani nassuiaavoq.

- Nuliarsarnissamik isumassarseriarama suliffeqarfimmi ullaarnganiit paasiniaasaqattaalerpunga pilersaarutigisara ilumut piviusunngorsinnaanersoq. Illullu iluani oqaloqateqallattaariarama ajunngitsumillu akineqartarlunga, taava pisussaq qanorpiaq piviusunngortissanerlugu aaqqissuilerpunga, Robert Lee Evensen oqarpoq.

AAMMA ATUARUK Assit immiussarlu: Air Greenlandip timmisartuutaani akisunerpaaq siullermeerluni nunatsinnut mittoq

Taassuma suleqatiminit arlalinnit ikiorneqarnissaa pisariaqarsimavoq. Timmisartup aquttuunera suleqatini arnaatimi ilaaffissaani sulisussaagaluartoq suliffissamik ilaatigut paarlattariaqarsimavaa.

- Arnaatigalu taamaannerani isumaqarpoq Nuummi mittarfimmi utaqqisunga, Robert Lee Evensen oqarpoq.

Suna tamarmi pilersaarutit malillugit ingerlavoq, arnaataalu issimasut allat ersaattaannerannik kinguneqartumik nuliarsarfigineqarami angerpoq.