Arnat assammik arsartartut VM-imut anngunniunnerat aallartippoq

Qaammaterpassuarni piareersarnerit ingerlanneqarput.

Arsat harpiksimik tanilluarneqarsimasut atorlugit tunioraannerit sungiusarneqarput, tassami kalaallit arnat assammik nunatta arsartartuisa nunarsuatsinni pissartanngorniuunnissamut anngunniuunnissaat aallartippoq.

Pimoorussilluni assammik arsarneq nunatta peqataaffigisassaa siulleq, Nuummi Inussivimmi unnugu arfineq pingasunut aallartissaaq, tassani Canada unammineqassalluni.

Kiisami nunarput aaqqissuisuuvoq

Arnat assammik arsartartuisa VM-imut anngunniunneranni nunarput siullerpaamik aaqqissuisuuvoq.

Angutit assammik arsartartuisa tamanna misigereerpaat, tassa amerikap nunavittaani nunat unammersuarneranni 2018-imi Inussivimmi pisumi aaqqissuussimmata. Kalaallit Nunaat taamani normu 4-nngorpoq taamaalillunilu VM-imut anngutinngitsoorlutik.

Tamannali arnat unammisartuisa allanngortissinnaavaat. Unammersuarnissat nunatta aaqqissuutissagaa januaari qaammat tusarliunneqarmat, Kalaallit Nunaata assammik arsartartut kattuffianni, TAAK-mi siulittaasoq, Carsten Olsen ima oqarpqo:

- Kalaallit Nunaannut tikinnissaq soqutigineqartupilussuuvoq. Qujanartumik. Nunarput takorusunneqaqaaq tamannalu ajoriinnangassaanani. Kisianni tassa unamminissat sakkortunerunissaat qularnarani.

Ulluni tulliuttuni arlalinni assammik arsarnerit ingerlanneqarnissaat Naalakkersuisut siulittaasuannit, Múte B. Egedemit aanna pissagagineqarlutik erinigineqarput:

- Arnat assammik arasartartugut tulluusimaarutigaagut VM-imullu anngunniunneranni tapersersorlutigit - Kalaallit Nunaat sinnerlugu akiuukkiisi, Naalakkersuisut siulittaasuat facebookimini allappoq.

Kalaallit Nunaata unammisartuisa saniatigut peqataasut tassaapput Cuba, Mexico, Canada aamma USA.

Assammik arsarnerit KNR 2-mi toqqaannartumik malinnaavigineqarsinnaapput.