Arfiviit assigiinngitsorpassuarnik niperujoortartut

Arferit erinarsorlutillusooq niperujoortarnerat immaqa nutaarsiassaanngikkaluarpoq, arfiviilli ukiup qanoq-ilinera apeqqutaatillugu assigiinngitsunik niperujoortarnerat amerikamiut ilisimatuut misissuinerminni nutaami tupaallaatigaat.
Assi © : John Jakobsen
Allattoq Inge S. Rasmussen
apriilip 05-at 2018 07:32
Nutserisoq Simon Uldum -

University of Washingtonimeersut Tunup avataata imartaani arfiviit niperujoornerannik immiussanik aatsaat taama amerlatigisunik saqqummiussaqaqqammerpoq.
   
- Qipoqqaat erinarsorlutillusooq niperujoortarnerat erinniarsuarnut assersuutissagaanni, taava arfiviit niperujoortarnerat jazziussaaq, Kate Stafford misissuinermik nutaamik ingerlatsisuusoq nittartagaq phys.org naapertorlugu taama oqarpoq.

AAMMA ATUARUK Arfiviit nungutaanissamut ulorianartorsiortut amerlanerulersimapput

- Arferit novembarimit apriilimut ulloq unnuarlu nipituumik niiperujoortarput, aamma niperujoornerit assigiinngitsorpassuupput, Kate Stafford taama oqarpoq.
 
Ilanngullugulu oqaatigaa arfiiviit assigiinngitsunik niperujoortarnerannut suna pissutaanersoq suli paasineqanngitsoq, neriuutigaalu ullut arlaanni tamanna paasisinnaassallugu.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk