Arfininngorpat unnuk kulturisiorfik: Nalinginnaasumik matut matoqqasartut iserfigikkit
Arfininngorpat politiit pulaarsinnaavatit, Inatsisartut ataatsimiittarfiat alakkarsinnaavat Nuummi Nunatta Katersugaasiviani ilisimatusartoq itsarnisarsioorlu ilassiartorsinnaavatit.
Aamma Siumut imaluunniit IA-p qullersaqarfiisa allaffeqarfii iserfigisinnaavatit imaluunniit Nuummi mittarfiup aallartarfiani tamanut ammatitsisoqarneranukarsinnaavutit AFIS-illu illutaa alakkarsinnaallugu.
Imaluunniit Ilisimatusarfimmi Qilak ullorialik pullattagaq iserfigalugu nunatsinni ulloriarsiornermut ilisimatooq siulleq, Ivalu Barlach Christensen naapissinnaavat.
Unnummi kulturisiorfik ingerlanneqaqqilerpoq.
KNR aamma ammassaaq. Nalunaaqutaq marlunit tallimanut aallakaatitsisartut naapissinnaavatit aallakaatitsiviillu takusinnaasarsinnaallugit.
Pilersaarutit suli nutarterneqartut
Nuummi, Uummannami, Upernavimmi, Qaqortumi Qasigiannguanilu Royal Arctic Line aamma alakkarneqarsinnaassaaq.
Maniitsumi Jehovap Nalunaajaasui ilassiartorneqarsinnaapput.
Pilersaarutit tamarmik https://kulturnat.gl/kl-ikkut takutinnaavatit. Pilersaarutit sumiiffinnik nutaanik ilaterneqarlutik suli nutarterneqarput.
Unnuk Kulturisiorfik siullermik 2001-imi aaqqissuunneqarpoq, ukiullu taakku tamarmik Nunatta Atugaateqarfiata ataqatigiissaariffigisarpai. Unnulli Kulturisiorfik 2021-mi 2022-milu corona pissutigalugu taamaatiinnarneqarnikuupput.
