AWG 2018 Arctic Winter Games 2018 pisortatigoortumik ammarneqarpoq
Hay Riverimi, Northwest Territoriesimiittumi ukioq manna Arctic Winter Gamesertoqassaaq, ammarnersiorneqarneralu isiginnaarutitigut toqqaannartumik aallakaatinneqarluni.
Nunat timersortartunik peqataatitaqartut tassaapput Nunavik-Quebec, Nunavut, Northwest Territories, Alaska, Yamal, Alberta North, Sameland, Yukon kiisalu Kalaallit Nunaat.
Timersortartut 107-t nunatsinnit peqataatinneqarput, nunallu peqataatitaat isaammata Kalaallit peqataatitaasa immikkut maluginiagassaapput, kavaajaammi aappaluttut takisuullu immikkut maluginiagassaapput, aappaluttunillu aamma nasalersimallutik.
AAMMA ATUARUK Timersortartut Canadami sungiusaleruttorput
Kulturikkut taava pikialaartitsisoqarpoq, qitittoqarluni, inngertoqarluni folkedansertoqarlunilu. Hay Riverimi Arctic Winter Gamesertoqarnerani erinaq ilisarnaat "Be The Ones", erinarsortartumit Serena Ryderimit atorneqartoq, storskærmikkut isiginnaarneqarsinnaavoq.
Arctic Winter Games 2018 aallartiinnaqaaq, KNR-ilu Fort Smithimiippoq, unammiuaarnerillu ulluni tulliuttuni malinnaavigineqarumaarlutik.
AWG 2018-ip ammaanersiorneqarnera CBC Northip Facebookikkut quppernerani CBC Norths Facebook-side isiginnaarneqarsinnaavoq. Aallakaatitsinerup ingerlanerani, tassa 38 minutsit missaanni ingerlareernerani, kalaallit timersortartuisa isaanerat takuneqarsinnaavoq.
AAMMA ATUARUK Kalaallit AWG-mut unammiartut tikereerput
