AWG 2018: Timersortartut Canadami sungiusaleruttorput
Arctic Sportimi unammisaqattaarnerit Fort Smithimi Paul William Kaeser High Schoolimi ingerlanneqassapput. AWG-mullu unammiarnissaq sioqqullugu sungiusarnerit ingerlalluarsimasut sungisaasup Kim Rosingip oqaatigaa.
- Angalanissap tungaanut sungiusarnerit ingerlalluarnikuupput, taavalu nalunaaquttap nikinganera aaqqikkiartorpasippoq. Ajorpasinngilaq, Kim Rosing oqarpoq.
Unammisartullu ujaminnannissaminnut periarfissaat pillugu aperineqarami oqaatigaa nunat allat unammisartui qanoq sungiusarluarsimatiginersut apeqqutaassasoq.
AAMMA ATUARUK Kalaallit AWG-mut unammiartut tikereerput
- Takussavarput, uku unammisartut allat nalunartuaannaramik qanoq aamma piareersarluarsimatigineri. Kisianni ippassaq unnukkut maaniinnitsinni takusinnaavagut arlallit siuariarsimarpasittut, taakku pissanganalaarput, sungiusaasoq Kim Rosing oqarpoq. Nangillunilu:
- Uagut unammilerutta ulugissaassanersugut imaluunniit unammisagut makitsinermi qanoq ingerlassanersut.
Arctic Sportimi peqataasussat ilagaat Uummannarmiu 13-inik ukiulik Petra Amossen.
Taassuma Arctic Sportimi unamminerit arlalissuit peqataaffigisussaavai, aqagulu unamminerit aallartinnissaannut maanna sungiusaleruttorpoq.
Sorliit unammiffigissuigit?
- Pakassummik, one foot high kick, two foot high kick, alaskan high kick, kneel jump, triple jump, ilai, puigorpakka, Petra Amossen oqarpoq.
Sorleq qilanaarinerpaaviuk?
- One foot high kick, Petra Amossen oqarpoq.
Arctic Sportimi unamminerit aqagu ataasinngornermi aallartissapput.
Inuusuttuaqqat:
Petra Amossen - Uummannaq
Britta Tobiassen - Qaarsut (Uummannaq)
Najannguaq Grønvold - Uummannaq
Naasunnguaq Kleist - Qaqortoq
Andreas Johansen - Nuuk (Maniitsoq)
Mick Josefsen - Nuuk
Peter Jonathansen - Nanortalik (Maniitsoq)
Flemming Nielsen - Uummannaq
Heidi Jørgensen - Nuuk
Bibi Mikaelsen - Qaqortoq
Lone Nikolajsen Hansen - Nuuk
Bent Jakobsen - Nuuk
Aron Berthelsen - Nuuk
Tonny Fisker - Nuuk
Steffen Knulst - Nuuk
Kim Rosing (sungiusaasoq)