Apeqqarissaarneq: Nunaqavissut salliutinneqarlik
Nunaqavissut tikisitallu ilinniagaqassutsikkut naligiillutillu assigiimmik suliaqaraluartut akissarsiaat sooq nikingakkajuttarnersut, Naalakkersuisut siulittaasuannut Kim Kielsenimut ilaatigut apeqqutigineqarpoq.
Matumani tikisitat akissarsiagissaarnerusarnerat isorineqarpoq.
Pisortallu suliffeqarfiutaasa, nunaqavissut ilinniarluarsimasuugaluartut, avataaneersunik sooq atorfinitsisarnersut aamma apeqqutigineqarpoq.
Nunaqavissunik misilittagakippallaarneraasarneq tassani isornartorsiorneqarpoq.
Qaqugukkut naammattumik misilittagaqalersimasassanersut, Siumumeersup Laura Taunajiup ilaatigut apeqqutigaa.
Naalakkersuisut siulittaasuata Kim Kielsenip apeqqutinut taakkununnga tunngatillugu isumaqataalluni oqarpoq, maanimiut tikisitallu sulinermi aningasarsiaat assigiittariaqarmata,.
Naligiimmik inissisimanerunissaq siunertaralugu nunaqavissut avataaneersullu sulinikkut akissarsiatigullu nikingassutaat qulaajarneqartariaqartoq, taassuma oqaatigaa.
Naalakkersuisut kattuffiillu assigiinngitsut oqaloqatigiinnerisigut tamanna aamma anguneqarsinnaasoq, Naalakkersuisut siulittaasuata Kim Kielsenip ilaatigut oqaatigaa.