Juullilernerani timmisartuussinerit: Anorersuassammat pilersaarutit allanngortut

DMI-mit anorersuarnissaa ulussaarsuartullu sakkortutigisunik anoraasuasarnissaa aqagumut aarlerisaarutigineqarmat, Nuummi silaannakkut kiffartuussinerit aqagu unitsiinnarlugit Air Greenland aaliangerpoq.

Taama nittartakkaminni allapput.

Sapaammi ilaasussat decemberip ulluisa 22-anni imaluunnit 23-anni timmisartuunneqarnissartik naatsorsuutigisariaqalerpat.

-Sillimaniarneq pissutaalluni Nuup mittarfianit timmisartuussinissagut killeqarput. Periarfissat tamaasa atorneqarput, timmisartunillu amerlanerusunik pissarsisinnaannginneq pissutaasut ilagimmassuk, angalasussat pilersaarummik allannguisoqarnera naammagittarlutik atortariaqassavaat. Timmisartunik amerlanerusunik pissarsisinnaannginneq Air Greenlandimit akisussaaffigineqanngilaq, timmisartuutileqatigiiffik allappoq.

Unnuisariaqalernermi akunniffissamut tunngatillugu sumiiffimmi timmisartuussisut saaffigineqarnissaannik Air Greenlandimit inassuteqarput.