Anorersuarujussuartut sakkortutigisumik anoraasuarujussuaqattaartoq
Tasiilami Kapisilinnilu anorersualeruttorlunilu anorersuarujussuartut sakkortutigisumik anoraasuarujussuaqattaaleruttorpoq. Taamaammat politiit sumiiffinni taakkunaniittunut isersimaannaqqusipput.
Allattoq Nicole Sander Bertelsen
februaarip 12-at 2025 14:27
Nutserisoq Hanne Petersen
DMI Kapisilinni Tasiilamilu anoraasuarujussuartarnissaanik aarlerisaarivoq.
Anorersuartut anorersuarujussuartullu sakkortutigisumik anoraasuarujussuartassasoq, silassamik ilimasaarummi allaqqavoq. Taamaammat Kalaallit Nunaanni Politiit sumiiffiinni taakkunaniittunut eqqaaniittunullu isersimaannaqqusipput.
Tasiilami aqagu unnukkut arfineq-marluk missaata tungaanut anoraasuarujussuartarnissaa Kapisilinnilu unnugu arfernup missaaniit anorikilliartornissaa ilimasaarutaasoq, politiit facebookimi quppernerminni allapput.
Illut arlallit qaliaat anoraasuarujussuaqattaarnerani teqqarput qamuteralaallu ilaat aamma assakarlutik.
