Anorersuartillugu qummoroortartornissaq mianersoqqussutigineqarpoq

Qummoroortartunik aallartitsisoqassatillugu mianersortoqartuaannartussaavoq. Anorersuartussaaneralu pissutigalugu unnugu unnuarulu qummoroortartortoqassappat mianersornissaq pisariaqarpoq.

Taama oqariartuuteqartut tassaapput politiit aamma upalungaarsimatitat, tusagassiuutinut nalunaaruteqarlutik kaammattuutigaat, qummoroortartunik aallartitsisoqassanngitsoq, sinerissap annersaani ulussaarsuartut sakkortutigisartumik unnugu unnuarulu anoraasuartartussaammat. Kommuneqarfik Sermersuumi upalungaarsimatitat pisortaat Knud Petersen ima kaammattuuteqarpoq :

AAMMA ATUARUK Isumannaatsumik qummoroortartornissannut piareersimavit?

- Unnugu taamatut anorersuassappat, qummoroortartunnginnissamik oqariartuuteqanngilagut, kisiannili qummoroortartussagussi eqqarsarluaqqaarnissarsi kaammattuutigaarput, Kommuneqarfik Sermersuumi upalungaarsimasut pisortaat Knud Petersen sinerissami qatserisartut sinnerlugit taama oqariartuuteqarpoq.

Taamaattumik qummoroortartunik aallartitsinnginnermi mianersornissaq pisariaqarpoq.

AAMMA ATUARUK Uummannami innuttaasut qummoroortaatinik tuniniaaneq naammaginngikkaat

- Unnugu taamarsuaq anorersuassappat taava qatserisartuniit kaammattuutigissavarput, qummoroortitsisoqassappat imaluunniit batteriinik aallartitsisoqassappat assup tungaanut igeriussisoqassammat, Knud Petersen kaammattuuteqarluni taama oqarpoq, - unnugu taamarsuaq anorliinnassappat qummoortartunillu aallartitsisoqarpat imaasinnaavoq qummooroortartoq anorimit tigutikkuni killormut allartoq, tamatumalu kingunerisinnaavaa qummoortartoq illut akornanni qaartoq taannartaa tassa mianersuuteqqullugu qatserisartunit oqariartuutigaarput, Knud Petersen oqarpoq.

Upalungaarsimasuutitat aamma politiit taama kaammattuuteqarnerat nunarput tamakkerlugu eqqarsaatigineqarpoq.