Anorersuaq Ciaran Europamut anngummat inuit qulinit ikinnerunngitsut ajunaartut
Anorersuaq Ciaran Frankrigip kippasissuata avannaanut anngummat, kingornalu Hollandimut, Belgiamut, Tysklandimut Italiamullu anngummat, inuit qulinit ikinnerunngitsut ajunaarput.
Hollandimi inuk ataaseq illoqarfimmi Venrayimi Tysklandimut killeqarfiup ungasinngisaani orpimmit uppiffigitilluni ajunaarpoq.
Anori Europami nunat ilaanni nalunaaquttap akunneranut 200 kilometeritut sukkatigaaq.
Inuit 1,2 millionit missaanniittut sarfaarupput, inuillu 100.000-ilikkuutaat oqarasuaataat attaveerullutik.
Arnaq uiminik meeqqaminillu Tysklandimi Harzenimi qaqqap Rammelsbergip eqqaani pisuttuaqateqarnermini orpimmit uppiffigitilluni ajunaarpoq.
Frankrigip nunamut namminermut ministeriata Gérald Darmaninip inuit marluk ajunaarsimasut inuillu 15-it, taakkuni qatserisartut arfineq-marluk, ajoqusersimasut paasissutissiissutigaa.
Aamma lastbiilinik ingerlatsisoq lastbiilinik ingerlatilluni orpimmut aporeerluni ajunaarpoq.
Inuit pingasut Italiap qiterpasissuata ilaani Toscanami ajunaarput. Nunap ilaata taama siallerfiutiginera naliginnaanngilluinnartoq præsidenti Eugenio Giani oqarpoq.
