Europap avannaani anorersuartoq
Tuluit Nunaata kangisissortaani illut 30.000-it innaallagiaarupput. Timersornermi unamminerit taamaatiinnarneqarput, timmisartuussinissallu aamma taamaatiinnarneqarlutik.
Anorersuarnera Tysklandimi angallannermut aamma sunniuteqarpoq. Tysklandip avannamut kippasissortaani qimuttuitsortitsinerit timmisartuussinerillu taamaatiinnarneqarluitk.
Hollandimi Amsterdamip timmisartoqarfissuanit Schipholimit timmisartuussinerit 120-t, Belgiamilu Bruxellesimi timmisartuussinerit 60-it taamaatiinnarneqarlutik.
AAMMA ATUARUK Naalagaaffiit Peqatigiit: Ukioq 2019 nunarsuup kiannerpaaffiata tulleraa
Irlandimi najugaqarfinnut 14.000-t missaanniittunut innaallagialersuineq ajutoorpoq, anorilu anoraasuartut sakkortutigivoq.
Anorlingaatsiarnerali aamma rekordiliititsivoq.
British Airwaysimit timmisartoq New Yorkimit Londoniliartoq aatsaat taama sukkatigisumik angalavoq. Timmisartorneq akunnernik sisamanik 56 minutsinillu sivisussuseqartoq Flightradar24-p uuttorpaa.
Timmisartoq angalagaangami nalinginnaasumik akunnermut 900 kilometerinik ingerlasartoq akunnermut 1300 kilometerinik sukkassuseqarluni rekordiliivoq.