Aningaasanut naatsorsuutit sakkussatsialaat

Nunatta aningaasaqarneranut naatsorsuutit tallimanngormat saqqummersut aningaasaqarnermut naalakkersuisup atorluarniarpai. Taassumami nunatta aningaasarsiornerata inerisarneqarnera nakkutilliinissaminut sakkussaqalerpoq nunanullu allanut pitsaanerusumik naleqqersuussisinnaanngussalluni.

Nunatta aningaasaqarneranut naatsorsuutit aningaasaqarnermut naalakkersuisup Maliina Abelsenip assigiinngitsorpassuartigut atorsinnaassanerarpai.

Naatsorsuutinimmi tallimanngormat saqqummersut malillugit nunanut allanut nunarput kinguariartornersoq sanillersuussinnaanngussammagu.

- Malinnaalluarsinnaanngussaagut. Assersuutigalugu nunanut allanut naleqqiukkutta 2009-mi aningaasarsiornikkut ajalusoortoqarmat imaassinnaavoq uagut eqqugaannginnerusimasugut. Akerlianilli nunanut allanut sanilliukkutta taava inerisaanermut tunngatillugu 2010-p kingorna uagut ajornartorsiuteqarpugut.

Nunanulli allanut sanillersuussinissaannarmut naatsorsuutit sakkussarinngilai.

- Akornatsinnummi qiviarutta taava pisortat qanoq aningaasartuuteqartiginersut, qanoq tunisassiortiginersut, inuillu inigisaminnut, nerisaqarnerminnut assigisaannullu qanoq aningaasartuuteqartiginersut aamma takussinnaanngorparput. Paasissutissallumi pingaaaruteqartupilussuupput, taakkumi aqqutigalugit inuit qanoq assigiinngitsunut akissaqartiginersut takusinnaalissagatsigu.

Aamma Akileraarnermut- Atugarissaarnissamullu Ataatsimiititaliarsuup innersuussutai timitalerneqarnialerpata Nunatta aningaasaqarneranut naatsorsuutaasa sakkussaalluarnissaat Maliina Abelsenip qularinngilai.

Nunattami aningaasaqarneranut naatsorsuutit saqqummiunneqanngikkallarmata isertitat tamakkiisut - Bruttonationaprodukt naalisarlugu BNP - kisimi sakkussaasimavoq, tamannalu ima kinguneqassaaaq:

- Immikkoortortaqarfiit ataasiakkaat qanoq tunisassiortiginersut takusinnaanngussavarput. Assersuutigalugu sanaartornermi aalisarnermilu aningaasat kaaviaartinneqartut takusinnaanngussavagut. Tassa assersuutigalugu sanaartornermut aningaasartuutissat siumut pilersaarusiorfigisinnaanngussavagut taakkulu qanoq sunniuteqarsinnaaneri aamma takusinnaanngussallutigit.

Nunatta aningaasaqarneranut naatsorsuutit Aningaasaqarnermut naalakkersuisup sulinermini siullertut ima atornialikkersaarpai:

- Inuinnaat ulluinnarni atuinerminni sunut qanorlu aningaasartuuteqarnerat massakkorpiaq atuartupilussuuakka. Paasissutissallumi tamarluinnaasa atortussaagakkit pingaaruteqartupilussuussapput.

Naatsorsuutillumi paasissutissatut atugassaannaagaluartut inatsisiliornissamut sakkussatut aamma atorsinnaasorai.

- Inatsisissatut siunnersuusioraangatta imaluunniit aningaasatigut allannguisoqassatillugu inunnulluunniit sullissinermi nutarsaaniartoqartillugu qanoq pisoqarsinnaanera naatsorsorsinnaanngussavarput, taamaammat paasissutissat taakku pingaaruteqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat