Aningaasanut inatsisissatut siunnersuut: Akileraarutit akitsuutillu qaffassanngillat
- Akitsuutit qaffaqqinnissaat siunnerfiginngilarput.
Aningaasanut Naalakkersuisoq Maliina Abelsen taama oqarpoq 2012-imi aningaasanut inatsisissatut siunnersuut saqqummiukkamiuk. Unammilligassat arlaqarput Naalakkersuisooqatigiillu siunnerfigiuarsinnarpaat ilinniartitaaneq siuarsarneqassasoq. Paasinarsivormi suliffissaaaleqinermit eqqorneqartartut tassaanerusut ilinniarsimanngitsut. Taamaammat Naalakkersuisut siunniuppaat ilinniartut inaat amerlisarneqassasut.
Ilinniartut inissaaleqinerat pissutaalluni ilinnialerniaraluartut tiguneqanngitsoortarput. Tamanna qaangerniarlugu Naalakkersuisut siunnersuutigaat sanaartugassat nutaamik tulleriiaarneqassasut. Ilinniartut inaasa amerlisarnissaat ilaatigut aningaasalersorniarneqarpoq Namminersorlutik Oqartussat illutaannik tuniniaanikkut taakkulu ilinniartut inaannut nutaanut atorlugit.
Akileraarutitigut isertitat 88 millioner koruuniussagatinneqarput. Landskarsip isertitaqarfii tassaapput Naalagaaffimmit tapiissutit, akileraarutit akitsuutillu kiisalu EU-mut isumaqatigiissut.
Nunatta Karsiata ileqqaarfigisinnaasaa alla tassaavoq, aktieselskabinut aningaasartuutit.
Assersuutigalugu Nunatta Ammerivia 2012-imi tapiissuteqarfigineqarnissaminik pisariaqartitsinani nalunaarsimavoq, aktieselskabillu allat tapiissutinik ikinnerusunik pisariaqartitsillutik nalunaarsimallutik.
2012-imi aningaasanut inatsit Inatsisartunit kingusinerpaamik novembarip 15-ianni akuersissutigineqassaaq.