Aningaasanut aappaagumut inatsisissaq naalakkersuisoqatigiit akuersissutigaat
Aningaasanut aappaagumut inatsisissaq akuersissutigineqarpoq. Inatsit aappaagu 76 millionit koruuninik amigartooruteqarfiussaaq, ukiulli pingasuti tulliuttut ilanngukkaanni 26 millionit koruuninik sinneqartoorfinngussaaq.
Naalakkersuisoqatigiit ukiup siulia assigalugu amerlanerussuteqalaarlutik inatsimmut akuersipput.
Siumullu suliap inernera naammagisimaarpaa.
- Utoqqaat 65-inik ukioqalerunik sulisinnaanertik killeqalerpat qinnuteqarsinnaanngussapput soraarnerussutisiaqalerumallutik. Taamaalillunilu kommuunit pisussaaffilerneqassapput qaammatit pingasut ingerlanerini suliassaq naammassissallugu. Utoqqarmut nuanniitsunik kinguneqannginnissaa anguniarlugu, Hermann Berthelsen oqarpoq.
Naalakkersuisoqatigiit aningaasanut aappaagumut inatsisissaq isumaqatigiissutigalugu ataasinngormat atsioqatigiissutigaat.
AAMMA ATUARUK Naalakkersuisoqatigiit kisimiillutik aningaasanut inatsisissaq isumaqatigiissutigigaat
Inatsit Inatsisartuni amerlanerusuteqaqqalaartut ullumi akuersissutigaat. Inatsisartunili ilaasortat affangajaannit akuerineqanngilaq, Naalakkersuisoqatigiimmi illuatungiliuttunik peqataasitsiniarnerat iluatsinngilaq. Inuit Ataqatigiit Partii Naleraq Atassullu akerliullutik taasipput.
IA: Inuiaqatigiit artukkerneqarput
Utoqqaat pitsanngorsaavigineqarniaraluartut inuiaqatigiit atugaat ataatsimut isigalugit pitsanngorsaavigineqanngitsut, illuatungiliuttut partiit annersaasa, Inuit Ataqatigiit, siulittaasuat oqarpoq. Taamaammat inatsimmut taaseqataanngillat:
- Inuit ataqatigiinniit taaseqataanngilagut. Isertitakinnerusut akunnattumillu isertitallit akitsuutitigut ilaatigut siorna annertuumik aallerfigineqarnerisigut artukkerneqarnikuupput. Inuiaqatigiinni naligiinnginneq annertusiartuinnartoq aaqqiivigineqanngilaq. Taamaalilluni ilaatigut utoqqaat pisariaqartitsisut aaqqiiviginqearnissannut uani alloriarfigineqarnani, Múte B. Egede oqarpoq.
AAMMA ATUARUK Inatsisartunut ilaasortat najuuttut tamarmik amigartoornissaq akueraat