Ilinniartut: Aningaasaateqarfik ukiunut pingasunut qulakkeereqqittoq
![](/sites/default/files/styles/image_934x467/public/qupanuk.jpg?itok=nXHtZ9yh)
Aningaasaateqarfiup Ivalo og Minik Fondenip ukiuni kingullerni sisamani kalaallit 25-t nunanut allanut ilinniariarniartut aningaasanik ikiorserpai.
Aningaasaateqarfik Royal Greenlandimit, Royal Arctic Linemit, Grønlandsbankenip inuussutissarsiornermut aningaasaateqarfianit Nuna Fondenimiillu aningaasalerneqarpoq. Taakku tamarmik kalaallit ilinniartut nunarsuatsinni ilinniariarnissaminnut ukiuni pingasuni qinnuteqaannarsinnaanissaannut aningaasanik tapiissuteqaannarniarlutik akuersipput.
Legat atorlugu Austalialiartoq
Qupanuk Olsen nunanut allanut ilinniariarnissamut taperneqarsimasut ilagaat. Taanna ujarassiuutut ilinniarnermini Australiami 2013-imi 2014-imilu atuarpoq.
- Taperneqarnera uannut isumaqartorujussuuvoq. Atuarnera eqqissillunga naammassisinnaagakku takanani. naalliunnanga aningaasarsiortaqattaarnanga inuuniapiloorlunga naammassiniarsarisimassagaluarpunga taanna legateq pisimanngittuugukku, Qupanuk Olsen oqarpoq.
Australiami ilinniakkat taakku ilisimalersimasani ullumikkut atorluarlugit Namminersorlutik Oqartussat Aatsitassarsiornermut Aqutsisoqarfiani ujarassiuutut atorfeqarpoq.
Ivalo og Minik Fondenimut qinnuteqarfissaq tulleq tassaavoq februaarip 15-iat 2018.