Politiit ullormut nalunaarusiaat: Angutit inuusuttut sisamat Brugsenimut tillinniartoqareernerani takuagut
Nuummi Qinngorpumi Brugsenimut tillinniartoqarneranik ullaaq manna tallimanut tanneq sisamanut nalunaaarfigineqarlutik, Kalaallit Nunaanni Politiit pigaartuisa pisortaat Jørgen Madsen ullaaq manna ilisimatitsivoq.
Suliaq ullaaq manna pisumut tunngasoq misissuleruttoramikku ilumut tillittoqarsimanersoq suli paasinngikkitsik, Jørgen Madsen oqarpoq. Angutit sisamat tillinniarfigineqartup eqqaani takusatik pasinarsorigitsik, taanna aamma oqarpoq.
- Angutit sisamat tillinniarfigineqartup eqqaani takuagut, taakkualu suliamut attuumassuteqarnersut misissorusunnarpoq. Taakkunannga marluk 15-iliineqanngillat, ataaseq 23-nik ukioqarpoq ataaserlu 15-ileeqqammerluni, politiit pigaartuisa pisortaat oqarpoq.
Angutit inuusuttut sisamat taakkua ilisarineritsik, Jørgen Madsenip oqaatigerusunngikkallarpaa.
Politiit tamanna pillugu suliaminni misissuileruttorput, suliamilu tassani junnerluussaqassanerlutik misissuereerunik nalilissavaat.
Ullaaq manna tillinniartoqarnera eqqaassanngikkaanni ullormut allanik ulapputeqarnatik, politiit pigaartuisa pisortaat naggataagut oqarpoq.