VIDEO Angutit atornerlugaasimasut angutit ikorfartoqatigiit iluaqutigigaat

Kinguaassiutitigut atornerlugaasimanerup oqaluttuarinissaanut  arnanut ajornannginnerunnguatsiarpoq.

- Inuit tapersersuilluarlutillu paasinnilluarsimaqaat, asanninnermillu annertuumik tunisillutik.

- Maluginiarsimavara atornerlugaasimasut siorna saqqummerarnerusimasut. Angutilli saqqummertannginnerat aamma maluginiarsimavara, Henrik Thomsen,  atornerlugaasimanini marsip quliani Facebookimini saqqummereermagu KNR-imut oqarpoq. 

Aamma atuaruk  Henrik Thomsenip kinguaassiutitigut atornerlugaanerup oqaluuserinissaa paquminarunnaarsippaa​

Angutit Ikorfartoqatigiimeersup, Anda Poulsenip, angutit sooq tunuarsimaarnerusarnerannut arlalinnik nassuiaatissaqartippaa.

- Kanngusunneq, sanngiitsutut isigineqarsinnaasorineqarsinnaaneq tamakkuupput patsisaasut ilagisinnaavaat. Ikioqqusinnaanerlu tunuarsimaarutigisinnaavaat, Anda Poulsen oqarpoq.   

Angutit Ikorfartoqatigiinnimmi sulinermini takusinnaavaa amerlasuut isertugaatitik aliasuutigisaraat, taamaatumillu oqaluuserissallugulu iluaqutigisaraat.

- Nuannaarlutik anisarput aamma nukissamik tunineqartutut, imminnut immersoqatigiillutik assigiinngitsutigut ilaminnik tusarnaarlutik aamma tamatigut oqaaseqarnissaq pisariaqannginnami.

-  Kisianni immersoqatigiinneq, immersorneqarneq, taakkuupput aamma takkuteqqinnissamut kajungilersitsisartut. Taannalu assorujussuaq iluaqutaasarpoq, Anda Poulsen erseqqissaavoq.

Aamma atuaruk Tarnip pissusaanik ilisimasalik: Nukappiaqqat angutillu paqumigisat atorunnaarneri iluaqutigisarpaat