Angut utoqqaq nuliaminik toqutseriarsimasutut eqqartuunneqartoq

Angut 68-inik ukiulik nuliaminut iffiamut kitserummik kapisisimasutut niaqutigullu kaatamik anaasisimasutut ukiuni sisamani pineqaatissinneqarsimasunut inissiisarfimmiittuusanngortinneqarpoq.

Allattoq Nicole Sander Bertelsen, Hanna Vestergaard Hviid

septembarip 03-at 2024 10:45

Nutserisoq Connie Fontain

Arnaq 59-inik ukiulik ukioq manna marsip 23-ani tuimigut iffiamut kitserummik kapineqarlunilu niaqqumigut kaatamik anaaneqarnerani niaquata saarnga innarlerneqarpoq.

Taassuma uia 68-inik ukiulik arnamut saassussisuuvoq.

Nuummi Eqqartuussisoqarfik Sermersuup angut 68-inik ukiulik toqutseriarsimasutut piumasaqaatitaqanngitsumik ukiuni sisamani pineqaatissinneqarsimasunut inissiisarfimmiittussanngortippaa.

Aamma atuaruk15 inorlugit ukiulimmik kujannissimasutut angut unnerluutigineqarpoq

Kalaallit Nunaanni Politiit KNR-imut paasissutissiipput.

Suliami illersuisoq angut sinnerlugu pinngitsuutitsisoqarnissaa anguniarlugu eqqartuussut suliarineqaqqitassanngortippaa, unnerluussisussaatitaasut akerlinganik suliarineqaqqitassanngortitsipput. Taamaammat eqqartuussivimmi suliaq piffissami kingusinnerusumi Nunatta Eqqartuussisuuneqarfiani suliarineqassaaq.

Eqqartuussut suliarineqaqqitassangortinneqarsimanera pissutigalugu politiit suliamut atatillugu annerusumik oqaaseqarsinnaanngillat.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.