Politiit ullormut nalunaarutaat: Angut savilersorniarsarisimasutut unnerluutigineqarpoq
Angut angummut allamut Nuup qiterpasissuani pingasunngornermut unnuaani savilersorniarsarisimasutut pasisaalluni tigusaavoq.
Kalaallit Nunaanni politiit pigaartuisa pisortaat, Malik Olesen, pingasunngornermi ullaakkut taama oqarpoq.
Savilersorniarsarisoqarneranik politiit unnuami pingasunut qiteqqunnerata missaani nalunaarfigineqareerlutik angut savilersorniarsarisimasorisaq tigusaat suli tigummigallagaavoq.
- Angummut allamut savilersorniarsimasutut pasisaavoq. Ullaap tungaagut killisiorneqassaaq, taamaammat ilimagaara ullaap tungaagut aamma iperagaanissaa, Malik Olesen oqarpoq.
Ulloq unnuarlu eqqisisimaffiusoq
Pigaartut pisortaata ilimaginngilaa angutip eqqartuussisunut sassartinneqassasoq, pisorli unnerluutigineqarsimasutulli allatut suliarineqassaaq. Taama pisoqassappat politiini inatsisilerituut tamanna naliligassarigaat, Malik Olesenip erseqqissaatigaa.
Sioorasaarisoqarnerata saniatigut ulloq unnuarlu kingulleq eqqissisimaffiusimasoq, pigaartut pisortaata oqaluttuaraa. Ilulissani niuertarfimmut tillinniariartoqarsimavoq, taannali politiit itinerusumik oqaluttuarinngilaat.
- Ilulissani tillinniariartoqarsimavoq pinartuunngimmalli unnuaq eqqisisimaarsimasutut isigaarput, Malik Olesen oqarpoq.