Angut pinngitsaaliisimasutut sassartinneqalersoq
Angut arnamik siorna aggustimi pinngitsaaliisimasutut pasisaalluni Qaasuitsup Eqqartuussiveqarfiani ullumi sassartinneqassaaq.
Angut arnamik siorna aggustimi pinngitsaaliisimasutut pasisaalluni Qaasuitsup Eqqartuussiveqarfiani ullumi sassassaaq.
Allattoq Nicole Sander Bertelsen
decembarip 05-at 2023 07:51
Nutserisoq Najâraq Egede
Angutip pinngitsaaliisimasutut pasineqartup eqqartuussivimmi ullumi nalunaaqutaq qulingiluanut sassassaaq.
Unnerluussummi allassimasut naapertorlugit angutip arnaq Saattuni sinittoq siorna aggustip 21-ani arneriffigisimavaa. Angutip arnap pinngitsaalineqartup qarlii ilupaqutaalu peeriarlugit inussaminik kinguaassiuutaasigut atornerlussimavaa.
Arnaq aalakoorami akerlioriarsinnaasimanngilaq, taamali pineqarnermini itersimavoq.
Unnerluussummi angut qaammatini pingasuni pineqaatissinneqarsimasunut inissiisarfimmittussanngortinneqassasoq piumasariniarpaat.
