27-nik ukiulik ikiaroornartunik anngiortumik eqqusseriartoq erngertumik pineqaatissinneqartoq
Arnaq 27-nik ukiulik Kangerlussuarmi akitsuuserisunit sisamanngornermi unitsinneqarpoq. Timaata scannerneqarnerani kokainimik 55,5 grammimik iioraasimasoq paasineqarpoq.
Kalaallit Nunaanni Politiit tusagassiuutinut nalunaarummi allapput.
Arnaq ikiaroornartumik anngiortumik eqqusseriartutut pasineqarpoq, taassumalu tamanna nassuerutigaa. Suliaq taamaalilluni nassuerutiginninnermik suliatut suliarineqarluni.
Arnaq taamaalilluni Eqqartuussisoqarfik Sermersuumit erngertumik pineqaatinneqarluni eqqartuunneqarpoq. Arnaq ikiaroornartumik anngiortumik eqqusseriartutut eqqartuunneqarpoq.
Pineqaatissinneqartoq ukiup aappaa avillugu pineqaatissinneqarsimasunut inissiisarfimmiitsinneqassaaq.
Suliami illuatungeriit tamarmik eqqartuussut akueraat, suliaq taamaalilluni uani naammassineqarpoq.
