Angut marloriarluni pinngitsaaliisimasutut tigummigallarneqartoq

Angut 30-t missaannik ukiulik Nuummi eqqartuussivimmi ippassaq sassartinneqarpoq ullunilu 28-ni tigummigallagassanngortinneqarluni. Sapaatip akunnerata naanerani arnanik marlunnik pinngitsaaliisimasutut pasineqarpoq.

Allattoq Teitur Larsen , Nicole Sander Bertelsen

oktobarip 04-at 2023 12:20

Nutserisoq Paornánguak Kleist

Tallimanngornerup arfininngornerullu unnuaani pinngitsaaliisoqarsimasinnaaneranik politiit nalunaarfigineqarput.

Suliaq kingorna ingerlaqqissimavoq angullu 30-t missaannik ukiulik ataasinngormat tigusarineqarluni. Marlunngornermi Eqqartuussiveqarfik Sermersuumi sassartinneqarpoq tassanilu ulluni 28-ni tigummigallagassanngortinneqarluni.

Kalaallit Nunaanni Politiini pigaartut pisortaat Mark Larsen taama ilisimatitsivoq.

Aamma atuaruk Ullormi unnuamilu pisut: Angutit marluk nakuusersimasutut pinngitsaaleeriarsimasutullu sassartinneqassasut

Pigaartut pisortaata oqarnera naapertorlugu angut marlunnik pinngitsaaliisimasutut pasineqarpoq.

- Arnat marluk festersimallutik inissiamut majuarsimapput sininniarlutillu innarlutik. Sineruttorlutik aappaa itersimavoq angummit pinngitsaalisaalluni atoqatiginiarneqarluni. Sininneranni arnat taakku marluk pinngitsaaleriarsimassagunarpai, Mark Larsen oqarpoq.

Suliaq politiinit maanna misissorneqarpoq. Politiit misissuinerat naammassippat unnerluussisussaatitaasut nalilersussavaat angut unnerluutigineqarnissaa tunngavissaqarnersoq.