Ullormi unnuamilu pisut: Angutit marluk nakuusersimasutut pinngitsaaleeriarsimasutullu sassartinneqassasut

Kalaallit Nunaanni Politiit sapaatip akunnerata naanerani ulappupput, ilaatigut festivaleqarnera aningaasarsiffiuneralu pissutigalugit. 

Marlunnik tigusarinninnermik nassataqarpoq, eqqissiimisoqariarmallu suliat politiinit ingerlateqqinneqarsimallutik. 

- Ulloq unnuallu ingerlanerani, sapaatip akunnerata naaneranit suliat ataasiakkaat eqqaassanngikkaanni, pisoqartorujussuusimaneranik pissuteqanngilaq, Kalaallit Nunaanni Politiini pigaartut pisortaat Mark Larsen oqarpoq.

Politiit aalajangerput pisut marluk sassartitsinermik malitseqartinneqassasut.

Pigaartut pisortaat ilisimatitsivoq, ataaseq Paamiuni nakuusersimanermik suliaasoq, tassani politiit aalajangersimallutik pinerluuteqartoq eqqartuussivimmut sassartinneqassasoq.

- Paamiuni nakuusersimanermik suliami ullumi kingusinnerusukkut sassartitsisoqassaaq, oqarpoq. 

Nuummi pinngitsaaliineq

Ilutigitillugu angut pinngitsaaleeriarsimasutut sassartinneqassaaq. Tamanna tallimanngornerup arfininngornerullu unnuaani pisimavoq, politiillu angut ippassaq tigusaraat.

- Nuummi pinngitsaaliinermik suliami pinerluuteqartoq ippassaq tigusarivarput ullumilu sassartinneqassalluni, pigaartut pisortaat oqaluttuarpoq.

Pigaartut pisortaat massakkut annertunerusumik oqaaseqarsinnaanngilaq