Politiit ullormut nalunaarutaat: Angut hashimik anngiortumik eqqusseriaraluartoq ilanngaaserisut tigusaraat

Angut 30-t 40-llu akornanni ukiulik Danmarkimiit nunatsinnukartilluni, Kangerlussuarmi hashimik anngiortumik eqqusseriaraluartutut ilanngaaserisunit pasineqarluni ippassaq sisamanngornermi tigusarineqarpoq.

Kalaallit Nunaanni Politiit pigaartuisa pisortaat Aputsiaq Hansen tallimanngornermi ullaakkut taama oqarpoq.

- Angut kiilu inorlugu oqimaassusilimmik tigummiaqarpoq, Aputsiaq Hansen oqarpoq.

Angutip nassataani eqqumiitsoqarmat ilanngaaserisunit misissuiffigineqarpoq, tassanilu hashi kiilu inorlugu oqimaassusilik nassaarineqarluni.

Hashimik anngiortumik eqqusseriaraluartutut pasineqarluni tigusarineqartoq, killisiorneqarpoq tamatumalu kingorna iperagaasoq, Kalaallit Nunaanni Politiit pigaartuisa pisortaata Aputsiaq Hansenip paasissutissiissutigaa.

Angut hashimik qanoq annertutigisumik nassataminiititaqarnersoq, pigaartut pisortaata oqaatigisinnaannginnerarpaa.