Angut arnamik aalakoortumik pinngitsaaliilluni atoqateqarsimasutut pinngitsuutinneqartoq
Angut 25-nik ukiulik Paamiuni pingasunngornermi unnerluutigineqarpoq, taanna taamani 21-nik ukiulimmik arnamik pinngitsaaliilluni atoqatiginnissimasutut unnerluutigineqarpoq.
Unnerluussissut naapertorlugu pinngitsaaliilluni atoqatiginninneq Paamiuni siorna juulimi sisamanngornermi ullaap tungaani pivoq. Angutip arnap aalakoornera atornerlullugu atoqatigisimagaa unnerluussissutigineqarpoq.
Eqqartuussivimmili suliaq angutip pinngitsuutinneqarneranik inerneqartoq, Kalaallit Nunaanni Politiit allakkatigut akissuteqarlutik paasissutissiipput.
- Suliami paasissutissat ataatsimut nalilernerat tunngavigalugu uppernarsaatigineqartut unnerluutigineqartup pisuutinneqarluni eqqartuunneqarnissaanut uppernaasinnaanngitsut aalajangerpaa, politiit eqqartuussinerup kingorna KNR-imut allapput-
Aappakua ilaqutarigaa
Arnaq ullumikkut 22-nik ukioqartoq unnerluutigineqartorlu arnap unnerluutigineqartup aappakuani ilaqutaqarnera pissutigalugu imminnut ilisarisimasareereersut pinngasunngornermi eqqartuussinermi saqqummiunneqarpoq.
Unnerluutigineqartup pinngitsuutinneqarnermi saniatigut arnamut iliuuserineqartut pillugit 40.000 koruuninik akiliisinniarneqarnerminut aamma akiliissanngilaq.
