Angut aapparmi erneranut kannguttaatsuliorsimasutut pineqaatissinneqarsimasunut inissiisarfimmiittussanngortinneqartoq
Angut 50-it sinnerlugit ukioqartoq nukappiaqqamut, 18-it inorlugit ukiulimmut, sinittumut attuuannissimasutut eqqartuunneqarpoq.
Eqqartuussiviup angut ulluni 60-ini pineqaatissinneqarsimasunut inissiisarfimmiittussanngortippaa.
Allattoq Hanna Vestergaard Hviid
februaarip 01-at 2024 11:03
Nutserisoq Connie Fontain
Paamiuni Eqqartuussisoqarfik Sermersuup angutip 50-it qiteqqunneranni ukioqartup nukappiaqqamut kannguttaatsuliorsimaneranut tunngasoq ataasinngornermi suliaraa.
Eqqartuussiviup angut ulluni 60-ini pineqaatissinneqarsimasunut inissiisarfimmiittussanngortippaa.
Kalaallit Nunaanni Politiit KNR-imut paasissutissiipput.
Unnerluussissut naapertorlugu tamanna Paamiuni 2021-imi juunip 20-ata aggustillu qulingata akornanni pivoq. Angut ikinnerpaamik pingasoriarluni nukappiaqqamut taamani aqqaneq-marlunnik ukioqartumut sininnerani assaminik ilupaqutaata iluanukartitsisarsimavoq.
Nukappiaraq angutip aappaata erneraa.
Nukappiaraq attuuaneqarnermini itersimavoq.
