Angut 63-inik ukiulik Sisimiuneersoq pingasunngormalli tammaaneqalersoq
Politiit Josef Christiansen 63-inik ukiulik Sisimiuneersoq ujaaraat. Taanna Sisimiuni napparsimmavimmit januaarip 24-ani ullup-qeqqata missaani anisoq kingullermik takuneqarpoq.
Angut ujaarineqartoq 170 aamma 175 centimeterit missaannik angissuseqarpoq, tuattuuvoq, aappalaarujuttunillu nujaqarluni. Politiit paasissutissaataat naapertorlugit angut napparsimmaviup atisaanik atugaqarpoq, oqorsaatillu qarlippaat qaatigoorlu qernertoq qiviunik oqorsaasigaq naatsoq atorsimavai.
Josef Christiansen januaarip 24-anni nalunaaqutaq 12.03-p missaata kingorna takusimagaanni imaluunniit sumiinneranik ilisimasaqaraanni politiit oqarasuaammut 701448-mut attavigineqarsinnaapput. Kalaallit Nunaanni Politit Facebookikkut allapput.
Politiillu tassuuna Sisimiuni innuttaasut najukkap eqqarisaani, quini, naqqup ataani, suliffeqarfinni allanilu toqqorsimaffiusinnaasuni misissuinissaat aamma kaammattuutigaat.
Ujaasineq ataasinngornermi ullaakkut nalunaarutigineqarpoq, suliamullu atatillugu suli nutaarsiassaateqaratik politiit KNR-imut marlunngornermi ullaakkut paasissutissiissutigaat.
