Angut 38-nik ukulik politiit ujaariunnaaraat
Angut 38-nik ukiulik, Sisimiuneersoq, Kalaallit Nunaannilu Politiinit ujaarineqartutut ippassaq nalunaarutigineqartoq politiit ujaariunnaarpaat. Kalaallit Nunaanni Politiit KNR-imut taama oqarput.
Politiit angut ujaarineqartoq siumunngilaat, inoqatinulli attavaqaqatigiittarfinni tutsiuttarsimaneranik takussutissaqarmat ujaariunnaarpaat.
Kalaallit Nunaanni Politiit pigaartuisa pisortaat Mark Larsen KNR-imut taama ilisimatitsivoq:
- Ajunnginneranik takussutissaqarmat politiininngaanniit iliuuseqaqqissinnaassuserput tamaanga killippoq, Mark Larsen, Kalaallit Nunaanni Politiineersoq oqarpoq.
Ilaqutaasut 38-nik ukiulik periarfeerussimagitsik politiinut ippassaq marlunngornermi ullaakkut nalunaarutigaat. angut pineqartoq aliasulluni angerlarsimaffimminiit anisimasoq, politiit ilisimatitsipput.
Sumi, qasseriarlunilu inoqatinut attaveqaqatigiittarfinni tutsiuttarsimanersoq politiit itinerusumik oqaaseqarfigisinnaanngilaat.
Ajunngitsorli politiit takusinnaavaat.