Ujaasineq: Politiit angut 38-nik ukiulik periarfeerussaq ujaaraat
![](/sites/default/files/styles/image_934x467/public/2023-11/7V9A0242.jpg?itok=AgQuxkKs)
Nutarterpoq 29.11: Angutip periarfeerussap tutsiuttarsimaneranik takussutissaqarmat, politiit angut pineqartoq ujaariunnaarpaat. Taamaammat angutip taassuma aqqa oqaluttuami uani peerparput.
Angut 38-nik ukiulik Sisimiuneersuusoq ujaaraarput.
Kalaallit Nunaanni Politiit tusagassiorfinnut taama nalunaarput.
Ilaqutaasut ilartik angut 38-nik ukiulik periarfeerussimagitsik politiinut ullaaq qulingiluanngoriartortoq nalunaarutigaat. Angut 38-nik ukiulik aliasulluni angerlarsimaffimminiit anisimasoq, politiit ilisimatitsipput.
Taamaammat politiit Sisimiuni innuttaasut angut taanna quit, illut naqquisa ilaanni toqqorfiusinaasulluunniit ilaanniinnersoq misissueqquaat.
Angut 38-nik ukiulik periarfeerussaq pillugu paasissutissaateqaruit Sisimiuni politiit 70 13 22-mut sianerfigalugit attavigisinnaavatit.