Angummik 63-inik ukiulimmik ujaasineq unitsinneqarpoq
Sisimiuni politiit angummik 63-inik ukiulimmik, januaarip 24-anili aallartittumik ujaasinertik unitsippaat.
-Annertummik ujaasinerput ingerlapparput, sumiiffiit ilimagineqarsinnaasut tamarmik tikinneqarput. Ajoraluartumik ujarneqartoq nassaarineqanngilaq. Angut suli maqaasineqarpoq, taamaakkaluartorli ujasineq unitsinneqarpoq, nunatta politiivisa pigaartuisa pisortaat, Jørgen Madsen taama paasissutissiivoq.
Ujaasinerup unitsinneqarnera pillugu, qanigisaasut nalunaarfigineqareerput.
Angummut tammaaneqartumut tunngasunik, paasissutissanik nutaanik peqalerpat peqartoqarpalluunnit politiit saaffigineqarsinnaajuaannarput.
Tassungalu atatillugu nammineq kajumissutsiminnik oqartussaniillu, tammaaneqartumut ujaasinermut peqataasimasunut tamanut, politiit pigaartuisa pisortaat qujassuteqarpoq.