Angerlarsimaffeqanngitsoq ullut 17-it mattussaaqqasoq

Angut taanna paassaasivimmi aappassaanik mattussaavoq, Sømandshjemmillu sulisuinit januaarip naalernerani siullermik nassaarineqarluni.

Kommuneqarfik Sermersooq Nuummi paassaasivimmini angummik angerlarsimaffeqanngitsumik marlunngormat februaarip ulluissa 21-anni nassaaqqikkami uissuummeqaaq.

Angulli taanna takornartaanngilaq. Kommunimmi angut toqqorsivimmi tassanerpiaq januaarip naanerani aamma mattussaaqqasoq siumoreerpaa.

Sømandshjemmimi sulisut angerlarsimaffeqanngitsoq taamani siumorpaat.

Angerlarsimaffeqanngitsut toqqorsivimmut iseqqinnginniassammata, toqqorsivik assiaqutserneqassasoq kommuni aalajangerpoq.

Naallu iserfigitsaalioreeraluaraat angut iseqqissimavoq. 
Angullu paassaassivimmittoq arajutsillugu, matu parnaariarlugu eqqasuuteqaratik ingerlaqqipput.

Sapaatit akunneri marluk qaangiussimalerput.

Angut takussaajunnaarmat kommunimullu isumaqatigiissutaagaluartutut takkunneq ajormat, ajortoqartoq pasitsaatigineqarpoq.

Kommuni marlunngornermi ullaakkut Nuukullammut paassaasivimmukartitsivoq tassanilu angut mattussaaqqissimasoq siumorpaat.

Angut sanngiippoq ajoranili.

Angutip taquani inuussutigai, kommuni paasissutissiivoq.