Angallannermut isumaqatigiissutit suli inissinneqanngillat
Inatsisartuni aningaasaqarnermut ataatsimiitsitaliaq ullumikkut ataatsimiinnerminni qanoq angallannermut isumaqatigiissutit pineqassanersut aalajangiiffiginngilaat.
Taama aningaasaqarnermut Naalakkersuisuugallartoq Vittus Qujaikitsoq paasissutissiivoq, nangillugulu oqaatigisinnaannginnerarpaa qaqugu angallannermut isumaqatigiissutit inissivinneqassanersut.
Aamma atuaruk Arctic Umiaq Line: Nunaqarfinnut angallassineq annikinneruleriaannaavoq
Suli isumaqatigiissutit inissinneqannginnerisa kingunerivaat Air Greenlandimi Arctic Umiaq Linemilu pisisartut januaarip aallaqqaataaniit angalarusuttut angalanissartik qulakkeersinnaanngimmassuk.
Aningaasaqarnermut ataatsimiitsitaliami siulittaasup Jens Immanuelsenip ilanngulluni oqaatigaa angallassinermut isumaqatigiissutit pillugit suliaq suli naammassineqanngitsoq, aamma qaqugu tulliani ataatsimiissutigineqassanersoq oqaatigisinnaannginnerarpaa.
