Angalasussat bilitsii allanngortinneqarsinnaasut
Tassami Danmarkimi silasiorfik DMI nunatta iluani angallannermi atugassanik silassamik nalunaarutinik naammassinnissinnaajunnaassaaq, tamatumalu malitsigisaanik timmisartut nunatsinnut avammullu angallasseqqusaajunnaassapput.
AAMMA ATUARUK Danmarkimi suliumajunnaartoqassappat nunatsinni timmisartuussinerit eqqorneqarsinnaapput
Suliumajunnaartoqassagaluarpat timmisartortitseqatigiiffiup Air Greenlandip angalanissamik pilersaarutini allanngortinniarpai.
Danmarkimi suliumajunnaarneq sivitsussagaluarpat angalasussat ukuninnga periarfissinneqassapput:
- Akerleriinneq sivitsussappat angalasussat angalanissartik suli kissaatigineraat imaluunniit taamaatiinnarusunneraat aperissavagut. Sapinngisarpulli tamaat apuuffissaannut apuunniarsarissavagut, Air Greenlandip pisortaanera Jacob Nitter Sørensen oqarpoq.
Allanngortinneqarsinnaasunillu bilitseqaraanni ulloq aallarfissaq kinguartinneqarsinnaasoq, taassuma oqaatigaa.
AAMMA ATUARUK Suliumajunnaarneq Kalaallit Nunaanni timmisartuussineq eqqugaasinnaavoq
AAMMA ATUARUK Danmarkimi mattussinissaq nunatsinnik eqquisinnaasoq
- Kisianni utertinneqarsinnaanngitsumik bilitsillit kingusinnerusukkut aallarusunnersut taamaatitsiinnarusunnersulluunniit aperissavagut.
Air Greenlandip Danmarkimi akerleriinnerup nunatsinnik eqquisinnaanera piareersimaffiginiarlugu attaveqaqatigiinnermut naalakkersuisoqarfik Mittarfeqarfiillu qanimut suleqatigigai, Jacob Nitter Sørensenip oqaatigaa.
- Eqqugaassagutta upalungaarsimanissamut pilersaarutissamaateqareerpugut. Taamaammat akerleriittoqarnerani nalinginnaasumik ingerlatsisinnaajunnaarnissamut piareersimavugut, Air Greenlandip pisortaanera Jacob Nitter Sørensen oqarpoq.