Angajoqqaarsianut ilitsersuut
Quppersagaaraq nutaaq kalaallisut qallunaatullu saqqummersinneqartussaq, ilitsersuummit peqatigiiffiup Norsk Fosterhjemsforeningip saqqummersitaanit nutsigaavoq. Quppersagaaraq tarnip pissusiinik ilisimasalimmit suliaasoq pitsaasuusoq paasiuminartuusorlu, naalakkersuisoqarfimmit oqaatigineqarpoq.
Taanna aamma angajoqqaarsiannik sullissisuta atorsinnaavaat.
Quppersakkami naatsumik oqaluttuarineqarpoq meeqqat inersimasunut attaveqarnissamik pisariaqartitsinerat, aammalu ingerlanerliortoqartillugu qanoq pisoqarsinnaasoq. Aamma ilitsersuutigineqarpoq meeqqat inuusuttuaqqallu sumiginnakkat qanoq ikiorneqarsinnaasut.
Angajoqqaarsianngortartut ikiorniarlugit Naalakkersuisoqarfiup quppersagaq suliaraa kommuuninilu piniarneqarsinnaavoq. Aamma Naalakkersuisoqarfiup nittartagaatigut aaneqarsinnaavoq.
