Ammasarfiit qanittukkut sivitsorneqarnavianngillat
![](/sites/default/files/styles/image_934x467/public/article_images/animaatjes-alcohol-52194_0.jpg?itok=ryoaiR8T)
Imigassaarniarnermi ammasarfiit allanngortinnissaat inatsisip allanngortinnissaanik pisariartitsimmat nunatsinni innuttaasut piffissap imigassaarniarfiusup sivitsorneqarnissaannik oqallisaasimaqisunik sivisuumik utaqqisariaqassapput. Naalakkersuisut inatsisissamik nutaamik imigassaarniarnerup sivitsorneqarneranik ilalimmik siunnersuuteqassapput. Tamannalu malittarisassat atuuttut malillugit ingerlanneqartussaavoq, taamaammat inatsimmut allannguutip Inatsisartut ukiakkut ataatsimiinnerannut atatillugu aatsaat saqqummiunneqarnissaa ilimagineqarsinnaavoq.
Tamatuma tungaanut inatsimmi maannamut atuuttumi maleruagassat atuutiinnassapput, tassalu ulluinnarni unnukkut nalunaaqutaq arfernup tungaanut arfininngornikkullu nalunaaqutaq ataatsip tungaanut imigassaarniartoqarsinnaalluni. Imigassanik aalakoornartortalinnik sapaatini nalliuttunilu nioqquteqarneq inerteqqutaaginnassaaq.