Kim Kielsen Amerlanerulluartut peqataanngimmata ugguarpoq
inatsisartunut sisamanngornermi oqallinermi Kangerlussuarmi Narsarsuarmilu mittarfiit siunissaat arlaleriarlugu apeqqutigineqarpoq.
Tamatumunnga Kielsenip suleqatigiissititat Namminersorlutik Oqartussanit kommuninillu inuttaligaasut sulinerat inersuussutigai:
- Uani suliassat assiginngitsut ingerlasussaassapput kommunit naapittussaavagut, aningaasaqarnermut naalakkersuisup tamanna oqaatigaa, aamma tamanna naalakkersuisoqatigiit isumaqatigiissutaanniippoq, Kim Kielsen taama oqarpoq.
AAMMA ATUARUK Mittarfinnut pilersaarut akuerineqarpoq
Kielsenip naalakkersuisoqatigiinnut ikorfartortaasunik suleqateqaannarnissaminut maanna qilanaarpoq, mittarfiilli pillugit pilersaarummut partiinit amerlanerusunit taperserneqanngimmat ugguarluni. Tassami Partii Naleraq Inuit Ataqatigiinneersullu arlallit siunnersuummut akerliullutik taasipput:
- Uani suliassat ingerlarngatut aalajangigassatut allatullu isigaarput. Allat aamma tullinnguupput, Demokraatit siulittaasuata Niels Thomsenip ersarissumik oqaatigaa, piareersimavugut aamma alloriaqqinnissanut annertuunut allanut. Ilaana aamma uagut Siumumiit uangalu Naalakkersuisut siulittaasuattut, kisianni ataatsimoorfigisussaavagut suliassat tamakkua annertuut, Naalakkersuisut siulittaasuat Kim Kielsen mittarfiit pillugit inatsisartuni aalajangiisoqareermat taama oqarpoq.
AAMMA ATUARUK Pilliuteqanngilagut