Kim Kielsen: Pilliuteqanngilagut
Partii Naleqqap siulittaasuata Hans Enoksenip inatsisartuni sisamanngornermi oqallinnermi arlaleriarlugu oqaatigaa, Nuummi Ilullssanilu mittarfiit sanaartorneqarnissaanut danskit naalagaaffiata aningaasaleeqataanissaanut isumaqatigiissuteqarnermi danskit naalagaaffiat oqartussaafilerneqarpallaartoq.
AAMMA ATUARUK Mittarfiliortiternissaq Sermersuup nalliuttorsiutigaa
- Kalaallit Nunaat tuniniarneqalerpoq, Hans Enoksen ilaatigut oqarpoq.
Naalakkersuisut siulittaasuata oqalunnissamut periarfissani isornartorsiutinut akissuteqarnissamut atorpaa.
Kalaallit Nunaata siunissaanut periarfissarpassuit ammarneqarput, pilliutigisaqanngilagut tunisaqaratalu, Kielsen oqarpoq.
AAMMA ATUARUK Aalajangiisoqarnissamut peqataatinneqarnerput naammassimanngilaq
- Kikkut tamarmik naammagisaannik iliuuseqarsinnaanngilagut, kisianni inuiaqatigiinni pissutsit ajunnginnerulernissaannik pisussaaffeqarpugut. Assakaasut sukkanerusumik ingerlanneqarnissaat isumagisussaavarput, inuussutissarsiuteqartut innuttaasullu ajunnginnerusumik ingerlassamata.
Kielsenip aamma ukiorpassuarni utaqqineqarsimasumik Qaqortumi mittarfiliornissaa tikippaa.
AAMMA ATUARUK Mittarfinnut pilersaarut pillugu ilisimasaqarnerulerit
- Qaqortumi ukiut 30-it utaqqipput. Ukiut kingulliit ingerlaneranni innuttaasut 800-it missaannik amerlatigisut allamut nuupput, taamaattumik qilanaarpunga aaqqiissuteqassammat, Kielsen oqarpoq. Taassuma Demokraatit mittarfiit sanaartorneqarnissaannut tapersersuimmata qutsavigai.
AAMMA ATUARUK Oqaluttuarisaanermi pingaarutilimmik aalajangiisoqalersoq