Mittarfiit: Oqaluttuarisaanermi pingaarutilimmik aalajangiisoqalersoq
Aningaasaqarnermut Naalakkersuisup Vittus Qujaukitsup inatsisartuni oqallinneq ammarpaa, Angallannermut naalakersuisoq Simon Simonsen napparsimalluni sulinngiffeqarmat taarserlugu Ullumi ulloq oqaluttuarisaanermi pingaaruteqartoq, Vittus Qujaukitsup oqaatigaa.
Kalaallit Nunaata oqaluttuarisaanerani attaveqatigiinnermi aningaasaliinerit annertunersarigaat Qujaukitsoq oqarpoq.
AAMMA ATUARUK Danmarkimut isumaqatigiissutikkut aningaasaliisussat allat ingalassimaniarneqartut
Oqaluttuarisaanermi aalajangikkat annertunersaannut ilaavoq, ukiorpassuarni oqallisigineqartoq kiisami inissinneqarmat. Mittarfiit nutaat nutaamik angalasalernissamut iluaqutit pingasut Vittus Qujakitsup pingaarnerutillugit saqqummiuppai:
- Angalasut amerlanerpaartaat Nuummukartuusarput imaluunniit Ilulissanukartuusarlutik. Nuummi aamma Ilulissani 2.200 meterimik mittarfiliornermi angalasut amerlanerpaartaat ornigassaminnut toqqaannartumik apuunnissamik periarfissaqalissapput. Taamaaliornermi piffissaq sivikinnerusoq aningaasallu ikinnerusut atortassavaat.
- Angalasut Kujataanukartussat 50 procentiissa missaat Qaqortumukartussaasarput. Qaqortumi 1.500 meterimik mittarfiliornermi angalasut taakkua akunnillutik mittariaarutissapput, taamaattumillu piffissap angalaffigisami k sivikinnerulernera aamma angalanermut aningaasartuutit ikinnerulerneri misigissallugu.
- Mittarfiit nutaat pingasut taakkua illoqarfinnut pingasunut toqqaannartumik angallattoqalernissaanut ammaassissapput. Tamanna timmisartuni anginerusuni ilaasut amerlanerulernissaannut periarfissaqalersitsissaaq, taamaalillunilu billetsit akiisa akikinnerulernerannik malitseqarsinnaassalluni kiisalu takornariartitsisarnermi inuussutissarsiornermilu periarfissaqarfiusut nutaat ammaatissallugit. Vittus Qujaukitsoq oqarpoq.
AAMMA ATUARUK Mittarfiit pillugit isumaqataasut isumaqataanngitsullu tunngavilersuutaat aajuku
Nunarput danmarkimut tunilerparput. Isumaqataasoqarlunilu isumaqataanngitsoqarpoq.. Inoqarfiit matuneqarnissaannik oqartoqarnikuunnigtsoq Danmarkimut tuninneqanngilaq. Nunap siuttuata ujaqqamik milloorneqassanngilaq.
Tamatuma kingorna Karl Kristian Kruse partiit oqaaseqartartuanni siulliulluni oqaaseqarpoq, taassuma naalakkersuisoqatigiit ataatsimoorlutik oqaaseqaataat oqaluuserisap aappassaaneerneqarnerani saqqumiunneqartut innersuussutigai. Tassanilu naalakersuisooqatigiit tasssaasut Siumut, Nunatta Qitornai aamma Atassut mittarfiit sanaartorneqarnissannut tamakkiisumik tapersersuinerat uteqqillugu oqaatigaa.
AAMMA ATUARUK Nye lufthavne vil bringe selvstændigheden nærmere - ikke omvendt
Demokraatit siulittaasuat Niels Thomsen mittarfiit pillugit pingajussaaneerinermi suli oqaaseqanngilaq, taassumali oqaaseqartartutut saqqummiussai tamanut saqqummiunneqareerput, tassaniu mittarfiit sanaartorneqarnissaannut demokraatit tapersersuinerat oqaatigeerpaa.
lluatungiliuttut partiivinit oqaatigineqartut sakkortupput.. Hans Enoksen Partii naleqqamiit ilaatigut oqaatiginearpoq, politikerit kalaallit nunaat Danmarkimut tunileraat aammalu nunaqarfiit Kangerlussuaq aamma Narsarsuaq politierinit matuneqalersut.
Karl Kristian Krusep ilumuunnginnerarpaa inatsisissatut siunnersuummi nunaqarfiit matuniarneqartut, taamaattorli Kangerlussuup aamma Narsarsuup siunissaat pillugit suleqatigiissitani aallani suliarieqarnerat nanginneqassasoq.
Tamanna pillugu Karl Kristian Kruse oqarpoq, taama pisoqarnavianngitsoq, inatsisissatullu siunnersuut Suliariujussuusoq aalajaatsoq, Kalaallit Nunaata ineriartornissaanut iluaqutaasussaq.
