Amerikamiut pingaarnersiuinerat Naalagaaffeqatigiinnit nuannaarutigineqarpoq
Pilersaarutit taakku nunanut allanut tunngasunut ministerip Martin Lidegaardip nuannaarutigai.
- Amerikamiut siulittaasoqarfiata pingaarnersiuinera nuannaarutigalugu oqarsinnaavunga. Silap pissusia pingaartippaat, avatangiisinut tunngasut pingaartippaat, minnerunngitsumillu inuit Issittumi najugaqartut aningaasarsiornikkut ineriartornissaat aamma pingaartippaat, Lidegaard oqarpoq nangillunilu:
- Qallunaat siulittaasuutitaqaraluarunik aamma taamatut pingaarnersiuissagaluarput.
Vittup aningaasaliissuteqartoqarsinnaaner eqqartorpaa
Amerikamiut ingerlatseriaaseriniagaat Nunatsinni nunanut allanut tunngasunut Naalakkersuisup Vittus Qujaukitsup aamma nuanaarutigisinnaavai. Taanna ataatsimeeqataanermini ilaatigut ataatsimiinnerit avataasigut Issittup qanoq ineriartortinneqarsinnaaneranut tunngasunik nunat siuttui allat isumasioqatigisarpai.
- Issittumi aningaasaliissutit qanoq siuarsarneqarsinnaanersut aamma issittormiut inuussutissarsiutinik qanoq ineriartortitsuisinnaanerat killeqarfiillu akimorlugit sullivinnik pilersitsisoqarsinnaanera oqallisigaavut, Vittus Qujaukitsoq naggasiivoq.