Amerikamiut piginneqatigiiffiat allamit aqutaq ministeriaqarfimmit misissuiffigineqarsimanngilaq

Siornatigut neqeroortitsisoqaraangat ministeriaqarfiup ingerlatseqatigiiffiit neqerooruteqartut Danmarkip USA-llu Illersornissamut isumaqatigiissutaanni piumasaqaatinik naammassinninnersut misissortarsimavai, tassanimi allassimammat danskit kalaallillu suliffeqarfiutaat kisimik Pituffimmi aserfallatsaaliinermik suliaqarsinnaatitaasut.

AAMMA ATUARUK Nunanut allanut ministeri Pituffik pillugu nassuiaasussanngorpoq

Neqeroortitsinermili kingullermi tamanna pisimanngilaq. Suliffeqarfik Danmarkimi angerlarsimaffeqartutut nalunaarsorneqarsimasoq, amerikamiunilli pigineqartoq, aappaagu ukiamit suliassamik isumaginnittussatut amerikamiut sakkutooqarfiata toqqarpaa. Tamannalu suliffeqarfiup maanna kiffartuussinissamik isumaqatigiissuteqarfigineqartup  Greenland Contractorsip danskillu kalaallillu suliffeqarfii allat marluk, kiffartuussinissamut neqerooruteqarsimasut amerikamiunut naammagittaalliuutigaat.

AAMMA ATUARUK Suliffeqarfiit US Air Forcemut kiffartuussinissamut isumaqatigiissut pillugu maalaarput

Danskit nunanut allanut ministeriat, Martin Lidegaard, aviisimut allappoq taamatut naammagittaalliuuteqartoqarnera amerikamiunit pimoorussamik misissuiffigineqarnissaa naatsorsuutigalugu. Tamatumali saniatigut suliamut tunngatillugu oqaaseqaqqikkusunngilaq.