Timmisartorsuup B-52-ip nakkarneranit ukiut 50-it qaangiupput Amerikamiut nassuiaateqarnissaat piumasarineqarpoq
- Ulloq manna tikillugu ajuusaartarpunga, paasitinneqarsimannginnatta, timmisartup B-52-ip nakkarneranit, Avanersuarmi innuttaasunut, uumasunut avatangiisinullu sunniutigisinnaasai pillugit nassuiarneqarsimanngimmata, Uusaqqak Qujaukitsoq taama oqarpoq.
Uusaqqak Qujaukitsoq timmisartorsuup B-52-ip nakkarnerata nalaani Danmarkimiittoq taama oqarpoq. Uusaqqak peqatigiiffimmi B-52-imi siulittaasuusimavoq.
Uusaqqak oqaluttuarpoq timmisartorsuaq B-52 brintinik qaartartulinnik usisup nakkarnerata kingorna piniartut aaqqaneq marluk saliinermi peqataasut.
Uusaqqak Qujaukitsoq peqatigiiffimmi B-52-mi siulittaasuunermini Qaanaammi eqqaanilu innutaasut uumasut avatangiisillu timmisartup nakkaneranit kingunerlutitsimanersut misissuiffigineqarnissaat piumasarisimavaa.
AAMMA ATUARUK B52-ip nakkarneranit ukiut 50-it qaangiunneri nalliussineqarpoq
Timmisartup B-52-ip Pituffiup eqqaanut nakkarneranit ukiut 50-it qaangiunnerat, 1968-mi sakkutooqarfimmi danskit sulisuusimasut Middelfartimi sapaatip akunnerata naanerani malunnartissavaat.
Qaanaami Avanersuarmilu timmisartorsuup B-52-ip nakkarneranit sapaatiuppat ukiut 50-it qaangiunnerat malunnartinneqarnianngilaq.
Taamaakkaluartoq Uusaqqak Qujaukitsup amerikami oqartussaasunut kaammattuuteqarluni piumasaqarpoq.
- Uanga kissaatigisatuara tassaavoq, Amerikamiut aggerlutik suna tamaat saqqummiuttariaqaraluarpaat, Uusaqqak Qujaukitsoq taama oqarpoq.
Napparsimmaviani nakorsaanerup, Jens Peter Johansenip piniartut tallimat arfinillit timmisartoq nakkarmat tikiuttut siulliit 1992-mi misissuiffigai. - Taamaallaat ataaseq timimigut nappaateqarpoq allalli plutoniumip pilersitaanik qinngulanernik radioaktiviusunik timaaniittoqarani, Napparsimmaviani nakorsaaneq, Jens Peter Johansen oqarpoq.
AAMMA ATUARUK Øjenvidne har stadig ubesvarede spørgsmål til Thuleulykken
Misissuisuusaarnersuaq tamanna ingerlanneqarmat Avanersuarmiut tamatta peqataatinneqarpugut. Apersuinerinnarli atorlugu tamanna taamani ingerlanneqarpoq, Uusaqqak Qujaukitsoq maajimi 2015-mi KNR-imut taam aoqarpoq.