Amerikamiut avataarsualiartitsisarfiat namminersortoq misissuutiliaminik qaammammuliartitsisoq
Avataarsuani misissuut rumsonde - "Peregrine" - namminersorlutik avataarsuani atorneqartussanik misissuutiliortartut Astrobotic Technology qaammammuliartumik ullaaq aallartitsivoq.
Rumsondenik taasat inuttaqanngillat - taamaakkaluartoq, rumsonde taanna qaammammut missaguni, USA Apollo-16 1972-imi qaammammut mimmalli aatsaat qaammammut mitsitseqqissaaq.
Nutaarsiassaqartitsivik Reuters taama ullumi allaaserisaqarpoq.
Amerikamiut avataarsualiartaataat Floridamiit - ukiut qulit ineriartortissimasaq Vulcan-raket atorlugu, igeriunneqarpoq.
Rumsonde "Peregrine" 1300 kiiluusoq, qaammammik piffissami sivisuumi orsussamik sipaarnissaq pillugu kaajallaateriarlugu, qaammammut februaarip 23-ani mitsinniarneqarpoq.
Rumsonde ilisimatusarluni misissuutinik ulikkaarpoq, ilaatigut qinngornernik misissuutinik.